CP值極高! MISFIT SHINE智能手帶大解構!

02.jpg

越嚟越多人用智能手帶,究竟好唔好用?MISFIT SHINE 喺HKTVmall開賣嘅時候,小編就試用咗,發現佢最大嘅特色就係外型同功能兩者終於可以同時並存。

一般智能手帶都有幾隻色揀,而Misfit Shine一共有5隻顏色選擇,有最易襯衫嘅黑色、女仔最鍾意嘅天藍色、同埋型格嘅金色等等。外型方面,MISFIT SHINE採用航空級鋁合金材質打造,小小嘅圓形好似10蚊銀咁大,望落比其他智能手帶外型簡潔,唔會有「運動錶」嘅感覺,返工帶住都冇問題! 呢個簡約嘅設計仲拎過「2013 紅點設計大獎」, 係好多設計師夢寐以求嘅獎項嚟架!

點止手帶咁簡單?!

小編最鍾意MISFIT SHINE嘅其中一點,就係唔一定要戴上手!除咗手帶仲包埋活動鈕扣,可隨意夾喺領口、袖口、褲袋等等嘅位置,方便配合你唔同嘅造型。

 

 

 

真正防水功能 -全天候全方位活動監測體驗!

除咗用料靚之外,小編就覺得個防水功能都係賣點之一,圍繞住MISFIT SHINE嘅黑色線係防水橡膠,有深達 50米嘅防水功能,直接戴住游水、沖涼都唔駛擔心入水嘅問題。而且無需充電,可更換式電池可以用足6個月,真正全天候隨時隨地紀錄自己嘅運動量!

01.jpg

 

輕易監測整體運動量

作為智能手帶,時間資訊當然係基本功能,MISFIT SHINE上面有12個LED燈,輕拍兩下錶面就可以睇到時間。比較光嘅一點代表小時,暗啲閃閃吓個點代表分鐘,咁樣睇時間真係好型呀!

除咗時間外,呢12個LED燈嘅作用就係運動進度顯示,12個點都著哂就代表你已經完成當日嘅目標。而「LED燈點數」係由整體運動量計算出嚟,相比起單純步數計算較全面。

blog_2.jpg

MISFIT應用程式: 簡約介面設計 + 精簡易明數據顯示

一開始要輸入自己嘅資料,生日、身高、體重、運動習慣等等,系統就會計算出你嘅運動消耗量。你可以按照自己嘅運動習慣去定目標嘅強弱度,分別係KINDA ACTIVE(較低運動量)、ACTIVE(中等運動量) 同埋 PRETTY ACTIVE (較強運動量)。

小編就試過KINDA ACTIVE同ACTIVE兩種活動模式,個人建議如果你都同小編一樣日日都坐係OFFICE比較少運動就最好揀返KINDA ACTIVE啦,如果唔係你就會同小編一樣,最終1,000點只係拎到602點。相反第2日SET個低啲嘅目標(KINDA ACTIVE),目標只係700點但小編足足拎到929點,好有成功感呀! 除咗運動量之外,仲可以監測住你嘅睡眠質素,只要將MISFIT SHINE夾喺睡衣,佢會準確咁紀錄你訓覺嘅狀態,包括訓覺時間同寧靜睡眠嘅長度,寧靜睡眠即係深層睡眠嘅意思,當然越接近訓覺總時間就越好啦!

active_1

 

總括嚟講,小編都用過幾款智能手帶,功能好嘅外型就冇MISFIT SHINE咁靚,有佢咁靚嘅功能又冇咁好同埋價錢都幾貴,所以作為入門嘅智能手帶MISFIT SHINE嘅CP值爆哂燈! 原價$599,而家$199就買到啦! 按此立即選購!