《導火新聞線》番外篇:囧報直擊juicy靚肉送貨全程!

2016-01-12

「HKTV mall最近推出嗰個$99至筍套餐,日日賣唔夠一陣就售罄,都唔知係咪有古惑嘅,輝爺,幫我跟下呢單嘢!」

今日開會,畀老總點中我做偵查報道添。鬼咩,我呢排喺報館留宿,見老總佢每朝一早就貢返公司,想用公司network上HKTV mall買juicy靚肉,點知買極都買唔到,唔嬲就假啦。而家佢分明想借我支筆,睇下有冇仇報啦!咁有合理懷疑都正常嘅,真係有咁多人晨咁早起身買肉咩?

image05.png

搵我做偵查報道?做咪做咯!( HKTV 《導火新聞線》截圖)

hktvmall-6_1.jpg

一排排冰櫃,好大陣仗咁喎!

因為我貌似HKTV某男神級演員,我好順利就潛入咗HKTV mall嘅凍倉大本營(其他人千祈唔好試)。一去到就見到一排排冰櫃,原來嚟自日本、澳洲、法國、紐西蘭、美國等世界各地嘅急凍肉類同海產,喺呢度都會按需要分別貯存喺-18℃同-40℃嘅冰櫃,又或者貯存喺雪房入面。

image04.png

image05.png

工作人員會根據客戶訂單,提取急凍食品,然後喺0℃至-4℃既凍房進行包裝。完成包裝之後,啲食品就會即刻放返入冰櫃。

image02.png

見到佢哋著晒羽絨,都feel到雪房裡面有幾凍

到咗送貨時間,佢哋就會將啲急凍食品同埋冰一齊放入保溫膠箱,再搬上設有-18℃冰櫃嘅凍車出發。為咗跟住佢哋,我唯有揸車死跟啦!

2016-01-11.jpg

靚肉低溫貯存到最後一里!

去到目的地,HKTV mall同事會將急凍食品放入裝住溫度計、加咗冰嘅手提保溫袋,再上樓送貨。去到客戶屋企,就會當面畀客戶檢查,客戶滿意收貨,送貨程序就大功告成。

image03.png

放埋溫度計,等客戶眼見為真,係有計喎!

跟足全日,睇見HKTV mall喺貯存、處理同運送安排上絕對可靠,食物保持喺適當溫度,絕對食得安心,真係冇嘢可以入到佢哋!每日咁早賣晒,絕對係因為性價比高--套餐原價$343.6,宜家只賣$99,足足慳成$244.6,仲可以賺$9.9 mall dollar!返去都係同老總講,聽朝六點就好click 入呢度standby啦:buy button_R1

封面圖片來源:HKTV《導火新聞線》截圖